ეპიდემიური ვითარება საქართველოში

საქართველოში ეპიდემიური ვითარება რთულდება - გასულ 24 საათში გამოვლინდა ინფიცირების 5 381 ახალი შემთხვევა, დადებითობის დღიური მაჩვენებელი არის 8.47%. ახალი კორონავირუსი საქართველოს 30 მოქალაქის სიკვდილის მიზეზი გახდა. პანდემიის გავრცელებიდან დღემდე კი ვირუსს საქართველოში ჯამში 14 425 პირი ემსხვერპლა. ახალი შემთხვევებიდან თბილისში გამოვლენილია 3 144 ინფიცირებული, აჭარა - 557, იმერეთი - 539, ქვემო ქართლი - 191, შიდა ქართლი - 262, გურია - 100 , სამეგრელო-ზემო სვანეთი - 230, კახეთი - 173, მცხეთა-მთიანეთი - 101, სამცხე-ჯავახეთი - 69, რაჭა-ლეჩხუმი და ქვემო სვანეთი - 15. ამ ეტაპზე მძიმეა კლინიკებში მოთავსებული 1 005 პაციენტის მდგომარეობა. ეპიდვითარების გართულების ფონზე, სპეციალისტები ვარაუდობენ, რომ ჰოსპიტალურ სექტორს შეიძლება პრობლემები შეექმნას. საუბარია პერსონალის ინფიცირების მაღალ რისკზე. ექიმები რისკების შესამცირებლად, ბუსტერიზაციის მნიშვნელობაზე და რეგულაციების მკაცრი აღსრულების აუცილებლობაზე ამახვილებენ ყურადღებას. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.