მოლაპარაკებების მეოთხე, გადამწყვეტი რაუნდი / ბოიკოტს შეფიცული ოპოზიციის რიგები ირღვევა #LIVE

• მოლაპარაკებების მეოთხე რაუნდი პარლამენტის შეკრებამდე სამი დღით ადრე - მხარეებს შორის შეთანხმების მიღწევას აშშ-ის და ევროკავშირის ელჩები ცდილობენ; არაოფიციალური ინფორმაციით, ვადამდელი არჩევნების და ოპოზიციის მიერ დასახელებული პატიმრების გათავისუფლების მოთხოვნა ღიად რჩება; ოპოზიციის რამდენიმე ლიდერი დეტალების გასაჯაროებას აანონსებს; • ოპოზიციური ერთობა იშლება - მთავარი აქტორები პარლამენტში შესვლის მომხრე პარტიებს პოლიტიკურ მორალს უწუნებენ და „მორალური პოლიციისგან“ შერცხვენით ემუქრებიან; გიორგი ვაშაძე აცხადებს, რომ მძევლად ყოფნას აღარ აპირებს; ბოიკოტს შეფიცულთა რიგების რღვევა და „მორალური პოლიციის“ შემადგენლობა; • დიდ ბრიტანეთში რამდენიმე საათია, რისკჯგუფების ვაქცინაცია მიმდინარეობს - პირველი ადამიანი, ვისაც ვაქცინაცია ჩაუტარდა, 90 წლის მარგარეტ ქინანია, რომელიც მოქალაქეებს აცრისკენ მოუწოდებს; ვაქცინაციის დასაწყებად ემზადებიან ევროკავშირის ქვეყნები, აშშ-ის მოსახლეობა კი ვაქცინის დამტკიცებას უახლოეს დღეებში ელის; • ბოლო დღე-ღამის განმავლობაში ინფიცირების 4 673 ახალ შემთხვევას სპეციალისტები გაზრდილი ტესტირებით ხსნიან და ეპიდემიოლოგები სტაბილიზაციის ნიშნებზე საუბრობენ; ვირუსის გავრცელების გეოგრაფია კვლავ უცვლელია; ჯანდაცვის სისტემა საწოლფონდის რესურსების მობილიზებას განაგრძობს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.