მოლაპარაკებების მეოთხე და ყველაზე ხანგრძლივი რაუნდი დასრულდა

მოლაპარაკებების მეოთხე და ყველაზე ხანგრძლივი რაუნდი დასრულდა - შეთანხმება ისევ არ არსებობს. პარლამენტის პირველ სხდომამდე სამი დღით ადრე, აშშ-ის ელჩის რეზიდენციიდან გამოსული მხარეები ამბობენ, რომ რიგგარეშე არჩევნების ან ამ საკითხზე პლებისციტის ჩატარებისა და ოპოზიციის მიერ მითითებული პატიმრების გათავისუფლების ნაწილში, პროგრესი კვლავ არ არის. თუმცა, გარკვეული კონსენსუსი არსებობს საარჩევნო რეფორმაზე. ჯერ კიდევ დილით, დიალოგში გარკვეულ პროგრესზე მიუთითებდა ევროკავშირის ელჩი, რომლის აზრით, ყველა მხარეს რთული გადაწყვეტილებების მიღება მოუწევს. დღევანდელ დიალოგამდე, ცალკეული ოპოზიციონერი ლიდერები მოლაპარაკების ყველა დეტალისა და თითოეული ოპოზიციური პარტიის მოსაზრებების გასაჯაროებას აანონსებდნენ. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.