სამძებრო სამუშაოები თუშეთში

დღე მეოთხე. თუშეთში, ხევში გადავარდნილ ახალგაზრდას ვერც დღეს მიაგნეს. დილიდან სამძებრო სამუშაოები მდინარის ექვსკილომეტრიან მონაკვეთზე მიმდინარეობდა. მოხდა წყლის ზედაპირული დათვალიერება. იმ ადგილებთან კი, სადაც რთული რელიეფური პირობების გამო მისვლა შეუძლებელი იყო, მაშველები საჰაერო გადაღების კამერას იყენებდნენ. მდინარის იმ მონაკვეთზე, სადაც 27 ივლისს სატვირთო მანქანა 400 მეტრი სიმაღლიდან ჩავარდა, დინება საკმაოდ სწრაფია. ამ დროისთვის სამძებრო სამუშაოები დასრულებულია, სამაშველო ჯგუფები მუშაობას დილიდან გააგრძელებენ. ავტოსაგზაო შემთხვევა ფშაველი-აბანო-ომალოს 23-ე კილომეტრზე მოხდა. სატვირთო მანქანა, რომელშიც 12 ადამიანი იჯდა, ერთ-ერთ მოსახვევში ჯერ დაგორდა, შემდეგ კი ხევში გადაიჩეხა. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.