COVID19 - პანდემია მსოფლიოში

ტესტირებას ყოველდღე ჩაუტარებენ აშშ-ის პრეზიდენტს. ეს მას შემდეგ, რაც დონალდ ტრამპის ერთ-ერთ თანაშემწეს „კოვიდ-19“ დაუდასტურდა. ცოტა ხნის წინ ვირუსი დაუდგინდა ვიცე-პრეზიდენტ მაიკ პენსის გუნდის წევრსაც. სავარაუდოდ, ის იმ თვითმფრინავში იმყოფებოდა, რომლითაც პენსი აიოვაში მიფრინავდა. სწორედ აშშ-ია ახლა მსოფლიოს მასშტაბით ის ქვეყანა, სადაც ახალ ინფიცირებულთა მაჩვენებლები ყოველდღიურად რეკორდულია. დაავადების გავრცელება სულ უფრო მასშტაბური ხდება რუსეთში. ვითარების სტაბილიზაცია ჯერ ისევ ვერ ხერხდება დიდ ბრიტანეთშიც. საერთო ჯამში   მსოფლიოში „კოვიდ-19“-ით ინფიცირებულთა  რიცხვი 4 მილიონს უახლოვდება. გამოჯანმრთელებულთა რაოდენობა კი ამ დროისთვის მხოლოდ მათ მესამედს შეადგენს. ინფიცირებულთაგან 1 მილიონ 260 ათასზე მეტი აშშ-ზე მოდის, სადაც სიკვდილიანობის მაჩვენებელი ყველაზე მაღალია და 75 ათასს აჭარბებს.  ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.