COVID 19 - პანდემია მსოფლიოში

მსოფლიო მასშტაბით ყველაზე მძიმე სურათი რუსეთშია, რომელიც დაავადების გავრცელების ეპიცენტრშია. ყოველდღიურად ქვეყანაში საშუალოდ 10 000-მდე ახალი შემთხვევა ვლინდება. ვითარების სტაბილიზაციის ნიშნები ჯერ ისევ არ ჩანს აშშ-შიც, რომელიც მსოფლიოში დაავადებულთა და დაღუპულთა რაოდენობით პირველ ადგილზეა. მძიმე ეპიდემიოლოგიური ვითარების მიუხედავად, ამერიკაში შეზღუდვების მოხსნა ეტაპობრივად მაინც იწყება. მკაცრი საკარანტინე რეჟიმის შემდეგ ცხოვრების ძველ რეჟიმს უბრუნდებიან ევროპის ის ქვეყნებიც, სადაც ახალმა კორონავირუსმა ათი ათასობით ადამიანი იმსხვერპლა და უფრო მეტი დააინფიცირა. თუმცა, პანდემიის მეორე ტალღის თავიდან ასაცილებლად შეზღუდვების მოხსნა რამდენიმე ეტაპად იგეგმება. საკარანტინე ზომების გაუქმებას ისევ არ ჩქარობს დიდი ბრიტანეთი, სადაც ყოველდღიურად დაღუპულთა რაოდენობა მაინც მზარდია.  ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.