კანონპროექტი „უცხოური გავლენის გამჭვირვალობის შესახებ“

„უცხოური გავლენის გამჭვირვალობის შესახებ“ კანონპროექტი დღეს ბიუროს სხდომას წარედგინება. მმართველი გუნდის მიერ მომზადებული დოკუმენტი, უცხოური ძალის ინტერესების გამტარებელ ორგანიზაციად ისეთი არასამეწარმეო იურიდიული პირების რეგისტრაციას ითვალისწინებს, რომლებიც შემოსავლის 20%-ზე მეტს უცხოეთიდან იღებენ. ასეთი ორგანიზაცია ვალდებული იქნება, შესაბამის ბაზაში დარეგისტრირდეს და ყოველწლიურად საფინანსო დეკლარაცია შეავსოს. რეგისტრაციისთვის თავის არიდება ან დეკლარაციის შეუვსებლობა 25 ათასი ლარით დაჯარიმებას გამოიწვევს. ხელისუფლების ოპონენტები კანონპროექტის თითქმის ერთი წლის შემდეგ ისევ პარლამენტში დაბრუნებას აკრიტიკებს და წარმოდგენილ ინიციატივას რუსულს უწოდებს, უმრავლესობის წევრები კი განმარტავენ, რომ პროექტი მხოლოდ იმ არასამთავრობო და მედიასექტორის გამჭვირვალეობას ითვალისწინებს, რომელთა შემოსავლები და ამ შემოსავლის ხარჯვის მიზანი აქამდე კითხვის ნიშნებს აჩენდა. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.