ომი უკრაინაში - 125-ე დღე

კრემენჩუკის სავაჭრო ცენტრზე რუსეთის მიერ განხორციელებული სარაკეტო დარტყმის შედეგად დაღუპულთა რაოდენობა 18-მდე გაიზარდა. დაშავებულია 59 ადამიანი, მათგან 25 ჰოსპიტალიზებულია. მონაცემებს პოლტავის საოლქო სამხედრო ადმინისტრაცია ავრცელებს. ლუგანსკის ოლქის ქალაქ ლისიჩანსკზე მიტანილ იერიშს კი, რვა ადამიანის სიცოცხლე ემსხვერპლა, დაშავებულია 23 პირი. მანამდე, ლუგანსკის საოლქო სამხედრო ადმინისტრაციის ხელმძღვანელი სერგეი გაიდაი ადგილობრივებს ქალაქის სასწრაფოდ დატოვებისკენ მოუწოდებდა, რადგან რეალური საფრთხე არსებობდა. ლისიჩანსკი ლუგანსკის ოლქში ბოლო მსხვილი ქალაქია, რომელსაც უკრაინის ძალები აკონტროლებენ. რუსეთმა სარაკეტო დარტყმები მიიტანა ხარკოვის ოლქზეც. გასული დღის განმავლობაში, ხარკოვის ოლქზე მიტანილი იერიშების შედეგად, ხუთი ადამიანი დაიღუპა, დაშავდა 30-ზე მეტი პირი, მათ შორის ბავშვი. ხარკოვში დაბომბილ ობიექტებს შორის არის დაწყებითი სკოლა. თუმცა, ადგილობრივი მედიის ცნობით, სკოლაზე განხორციელებულ დარტყმას მსხვერპლი არ მოჰყოლია. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.