არ დავნებდები

ლევანი 21 წლისაა. ბავშვობაში ფიზიკოსობა სურდა, თუმცა საბოლოოდ კომპიუტერული გრაფიკა ისწავლა და დღეს ანიმატორია.
ადრეულ ასაკში მოუწია ხობის დატოვება, 16-17 წლის ასაკში უკვე მუშაობდა პირველ შეკვეთებზე - დედაქალაქში. მრავალ პროექტს შორის ბავშვებისთვის საყვარელი - “ჟირაფი ჟოზეს” რამდენიმე სერიაც შექმნა.
თბილისში, ოჯახიდან მოშორებული, პანდემიამ და კარანტინმა, ბერვ რამეზე დააფიქრა, - გადაწყვიტა ცხოვრება რადიკალურად შეეცვალა და ხობში დაბრუნდა. მთავარ მიზნად თანატოლებისთვის თავისი ცოდნის გაზიარება დაისახა.
ლევანის ყოველდღიურობა გაჯერებულია მცდელობებით - გახადოს გარემო უკეთესი, თანატოლებს თუ მასზე უმცროსებს დაასწავლოს ყველაფერი, რაც იცის; ცდილობს მეგრული ენისა და კოლხური მითოლოგიის შენარჩუნებას, გადარჩენას - ქმნის სხვადასხვა მეგრულენოვან ანიმაციებს.
ლევანის ცხოვრებაში გარდამტეხი როლი ქიმიის მასწავლებელმა მედეა ქობალიამ ითამაშა. მასწავლებელმა, რომელსაც სწამს, რომ - ყველა ბავშვში მზეა, მთავარია უფროსებმა მისცენ შესაძლებლობა - გაანათოს.
დედაქლაქიდან ხობში დაბრუნება მარტივი არ ყოფილა, ჩასვლიდან დღემდე უამრავი ბარიერი და იმედგაცრუება იყო, მაგრამ ახალგაზრდა ანიმატორი დანებებას არ აპირებს!

რეჟისორი: გიორგი მურვანიძე
პროდიუსერი: ბაჩო გურაბანიძე
ოპერატორები: გოჩა კვაჭაძე, გიორგი მურვანიძე
მონტაჟი: გიორგი მურვანიძე
დრონის ოპერატორი: გოჩა კვაჭაძე
ფერის კორექცია: გიორგი ხომერიკი
სინოფსისი: ვანცენტ ხაბეიშვილი

#არდავნებდები