უთანხმოება ოპოზიციაში

ე.წ. ფარული მიყურადების ფაილების საქმეზე, პარლამენტში რიგგარეშე სხდომის ჩანიშვნასთან დაკავშირებით, ფრაქცია „ლელოს“ ინიციატივას არ უერთდება „ნაციონალური მოძრაობა“. პარტიის თავმჯდომარე განმარტავს, რომ 2 ოქტომბრამდე ყველაფერს აზრი აქვს დაკარგული, შესაბამისად, „ნაციონალური მოძრაობა“ არ აპირებს ჩაერთოს საპარლამენტო საქმიანობაში. „ნაციონალური მოძრაობის“ გადაწყვეტილება კრიტიკულად ფასდება სხვა საპარლამენტო ოპოზიციურ პარტიებში. საკითხი პოლიტიკური დაპირისპირებისა და უთანხმოების მიზეზი გახდა. საპარლამენტო ოპოზიციას არ ესმის ნაციონალური მოძრაობის გადაწყვეტილების. პარტია „ლელოში“ „ნაციონალურ მოძრაობას“ მეტი განმარტების გაკეთებასა და პეტიციაზე შეერთებისკენ მოუწოდებენ. ე.წ. მიყურადების ფაილების საქმესთან დაკავშირებით, სხდომის მოწვევაზე განცხადება გააკეთა პარლამენტის თავმჯდომარემ. კახა კუჭავა აცხადებს, რომ საკითხზე საკანონმდებლო ორგანო ადგილობრივი არჩევნების შემდეგ იმსჯელებს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.