საცობები და ხალხით სავსე სავაჭრო ცენტრები / შეცვლილი სადღესასწაულო ტრადიციები ევროპაში #LIVE

• საქართველოს დიდი ქალაქები დაწესებულ შეზღუდვებს საცობებითა და ხალხით სავსე სავაჭრო ცენტრებით ხვდება - მსხვილი ბიზნესოპერატორების ნაწილი მიღებულ რეგულაციებს „ლოქდაუნს“ უწოდებს და მასში ცვლილებების შეტანას ითხოვს; დაწესებული შეზღუდვები და ობიექტები, რომლებიც ხვალიდან იხურება; • როგორ უმკლავდება ჰოსპიტალური სექტორი ახალი შემთხვევების მზარდ ნაკადებს და რა შედეგებს ელის ქვეყანა დაწესებული შეზღუდვებით - „დღის თემის“ შეკითხვებს ჯანდაცვის მინისტრი, ეკატერინე ტიკარაძე და დაავადებათა კონტროლის ცენტრის ხელმძღვანელის მოადგილე, პაატა იმნაძე უპასუხებენ; • პანდემია და რთული ეპიდვითარების გამო შეცვლილი სადღესასწაულო ტრადიციები ევროპაში - ქრისტიანული სამყარო შობას დაკეტილი ბაზრობებითა და ცარიელი ქუჩებით ხვდება; ქვეყნები ვაქცინის მოლოდინში არიან; ვაქცინაციის პროგრამას ერთ-ერთი პირველი, ამერიკის შეერთებული შტატები დაიწყებს; • ბოიკოტის რეჟიმში დარჩენის მიუხედავად, ოპოზიცია დაფინანსების მიღებაზე უარს არ ამბობს - თანხის მიღებას არ აპირებენ „გირჩი“ და პარტია „მოქალაქეები“, „ლელო“ და „ლეიბორისტული პარტია“ კი კვლავ ფიქრის რეჟიმში არიან; მმართველი გუნდი ოპონენტთა პოლიტიკურ ლოგიკას აკრიტიკებს; ექსპერტები დაფინანსების ალტერნატიულ მოდელებზე საუბრობენ და ამერიკულ და ევროპულ გამოცდილებაზე მიუთითებენ; • საბავშვო ევროვიზიაზე საქართველოს „რანინას“ გამარჯვებული, 10 წლის სანდრა გადელია წარადგენს, სიმღერით - „შენ არ ხარ მარტო“; კონკურსის ფინალი დისტანციურად გაიმართება, ხოლო საკონკურსო ნომერს ქვეყნები ვიდეო ჩანაწერით წარადგენენ; რიგით მე-18 საბავშვო ევროფესტივალს პოლონეთი მასპინძლობს; 2020 წელს კონკურსის სლოგანია „აამოძრავე მსოფლიო“ ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.