გიორგი გახარიას გზავნილები / რეგულაციების შემსუბუქების პირველი დღე #LIVE

• სამთავრობო პროგრამის პრიორიტეტები, ახალი ინიციატივები და გიორგი გახარიას გზავნილები, რომლის ერთ-ერთი მთავარი ადრესატი ოპოზიციაა - პრემიერ-მინისტრი აცხადებს, რომ დარბაზში ოპოზიციის გარეშე ყოფნა კომფორტული არ არის, მაგრამ ქვეყანა ვერ გაჩერდება და ოპონენტებს პასუხისმგებლობისკენ მოუწოდებს; • საქართველოში მიმდინარე პოლიტიკური პროცესები და კელი დეგნანის პოზიცია - აშშ-ის ელჩი აცხადებს, რომ ქართველი ხალხის არჩევანი მრავალფეროვანი პარლამენტია და ამის მისაღწევად პარტიებმა ქვეყნის ინტერესები პარტიულ ინტერესებზე მაღლა უნდა დააყენონ; დიპლომატი პარტიების დაფინანსების წესის ცვლილებას არ ეთანხმება და კონსენსუსის გზებზე საუბრობს; • რეგულაციების შემსუბუქების პირველი დღე, საცობები ქუჩებში, ხალხმრავლობა და რიგები მაღაზიებთან - ჯანდაცვის მინისტრის მოადგილე შექმნილ ვითარებას შემაშფოთებელს უწოდებს და რისკების ზრდის საფრთხეზე საუბრობს; დიდ ქალაქებში გახსნილ სავაჭრო ობიექტებს ეპიდემიოლოგები აკვირდებიან; სავაჭრო ცენტრებში რეგულაციების დაცვას რობოტი პეპერი და სხვადასხვა ტექნიკური საშუალება უზრუნველყოფს; • შობა პანდემიის პირობებში და სანტა კლაუსის მთავარი გზავნილები მსოფლიოს - დაკეტილი საზღვრები, ცარიელი ქუჩები და გაუქმებული საშობაო ბაზრობები; ქრისტიანული სამყარო შობას პანდემიის პირობებში აღნიშნავს; ბეთლემში ღვთისმსახურება დამსწრეთა შეზღუდული რაოდენობით აღევლინება, ვატიკანში კი საშობაო მესა რამდენიმე საათით ადრე დაიწყება. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.