„ამბასადორში“ ხანძრის გაჩენის ფაქტზე ბრალდებული დაკავებულია

სასტუმრო „ამბასადორში“ ამ დრომდე საგამოძიებო მოქმედებები მიმდინარეობს. სათვალთვალო კამერების ჩანაწერებს ახლა პოლიცია სწავლობს, თუმცა ჯერ ისევ უცნობია, რა მოტივით გააჩინა ხანძარი 28 წლის მამაკაცმა, რომელიც უკვე დაკავებულია. სასტუმრო „ამბასადორში“ ხანძრის გაჩენის ფაქტზე პოლიციამ ერთი პირი დააკავა - სამართალდამცველებმა 28 წლის მამაკაცი ცეცხლის წაკიდებით ნივთის დაზიანების ან განადგურების ბრალდებით აიყვანეს. დანაშაული 3-დან 5 წლამდე ვადით თავისუფლების აღკვეთას ითვალისწინებს. გამოძიებით დადგინდა, რომ ხანძარი სასტუმროს ერთ-ერთ ნომერში მყოფმა სტუმარმა გააჩინა. რის შემდეგაც ცეცხლი შენობის მესამე და მეოთხე სართულზე გავრცელდა. სამართალდამცველებმა დანაშაულში ბრალდებული ცხელ კვალზე დააკავეს. შეგახსენებთ, რომ ხანძარი სასტუმროში გუშინ საღამოს, დაახლოებით 18:00 საათისთვის გაჩნდა. ადგილზე 16 სამაშველო ეკიპაჟი მუშაობდა. სასტუმროს ადმინისტრაციამ დაუყოვნებლივ მოახდინა პერსონალისა და სტუმრების ევაკუაცია. მომხდარის შედეგად არავინ დაშავებულა. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/1stchannel.1... გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.