ხმაური წალენჯიხის საკრებულოს სხდომაზე

ხმაური იყო წალენჯიხის საკრებულოს დღევანდელ სხდომაზე. ისევ ვერ მოხერხდა თავმჯდომარის არჩევა, რადგან დეპუტატებში საერთო კანდიდატზე ვერ შეთანხმდნენ. სხდომაზე გიორგი გახარიას პარტიამ საკრებულოს წევრებს ახალი მოდელი შესთავაზა, რის მიხედვითაც, საკრებულოში თანამდებობები პარტიების რაოდენობის შესაბამისად უნდა გადანაწილდეს, რაც კატეგორიულად მიუღებელი აღმოჩნდა „ნაციონალური მოძრაობისთვის“. მათი განცხადებით, წალენჯიხაშიც ჩხოროწყუს მოდელი უნდა გათამაშდეს, უმრავლესობა უნდა ჰყავდეს ოპოზიციას და არც ერთი წამყვანი თანამდებობა „ქართულ ოცნებას“. სწორედ ამ წინადადებას მოყვა პარტიებს შორის დაპირისპირება. „ქართული ოცნების“ განცხადებით, ისინი მზად არიან პარტიებთან თანამშრომლობისთვის, თუმცა „ნაციონალური მოძრაობა“ ცდილობს პროვოკაციების მოწყობას და საკრებულოს მუშაობის კრიზისში შეყვანას. გახარიას პარტიის ინიციატივა ასევე მიუღებელია „ლელოსთვის“. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.