ზუგდიდში მწვანე ბარათთან დაკავშირებით საინფორმაციო შეხვედრა გაიმართა

ზუგდიდის ცენტრალური ბიბლიოთეკის შენობაში არსებულ ამერიკულ კუთხეში მწვანე ბარათების (GREEN CARD) შესახებ საინფორმაციო შეხვედრა გაიმართა. პრეზენტაციას გათამაშების პირობებით დაინტერესებული მოქალაქეები დაესწრნენ. მწვანე ბარათის შევსების თარიღი, ინსტურქციები და პროცედურები ზუგდიდელებს საქართველოში აშშ-ის საკონსულოს წარმომადგენლებმა გააცნეს.2019 წლის მწვანე ბარათის გათამაშების სარეგისტრაციო პერიოდი 2017 წლის 3 ოქტომებრს 20:00 საათიდან იწყება და ამავე წლის 7 ნოემბრის 20:00 საათზე დასრულდება. მსურველებს განაცხადის შევსება www.dvlottery.state.gov-ზე შეუძლიათ. მწვანე ბარათი აშშ-ს საემიგრაციო სტატუსის დამადასტურებელი ბარათის არაფორმალური სახელია. ამ სტატუსს აშშ-ს მუდმივი რეზიდენტი ეწოდება და მფლობელს უფლებას აძლევს, ლეგალურად იცხოვროს და იმუშაოს ამერიკის შეერთებულ შტატებში, ისარგებლოს სახელმწიფო სამედიცინო დაზღვევით, მიიღოს კრედიტი შეღავათიანი პირობებით და ჰქონდეს აშშ-ს სოციალური დაზღვევის ნომერი. რადიო "ათინათი" Website: http://radioatinati.ge Facebook: https://www.facebook.com/Rado.ATINATI Google +: https://plus.google.com/u/0/116211701... Twitter: https://twitter.com/