გდანსკის ბიზნეს კვირეულში ახალგაზრდების შესარჩევი გასაუბრება გაიმართა

პოლონეთში, გდანსკის ბიზნეს კვირეულში მონაწილეების შესარჩევი კონკურსის დასკვნითი ეტაპი გასაუბრება გაიმართა, რომელსაც მერიაში შექმნილი კომისია ატარებდა. აღსანიშნავია, რომ კონკურისის ფარგლებში 15 საკონკურსო განაცხადი შემოვიდა, საიდანაც კომისია ორ კონკურსანტს შეარჩევს, რომელთა ვინაობა უახლოეს დღეებში გახდება ცნობილი. შეგახსნებთ, რომ მარნეულის მუნიციპალიტეტის მერია 15-დან 19 წლამდე ორ ახალგაზრდას პოლონეთში ბიზნეს კვირეულში მონაწილეობის მისაღებად მიავლენს. ბიზნეს კვირეულში მოსწავლეების მონაწილეობა მარნეულის მერიასა და პოლონურ მხარესთან მჭიდრო თანამშრომლობის საფუძველზე მოხდა, რომელიც უკვე მესამე წელია წარმატებით მიმდინარეობს. კვირეული პოლონეთის ქალაქ გდანსკში გაიმართება. გდანსკის ბიზნეს კვირეული საზაფხულო ბანაკია, ახალგაზრდებში სამეწარმეო უნარ–ჩვევების დასახვეწად, რომელსაც ატარებს ქ. გდანსკის მერია და „გდანსკის მეწარმეთა ასოციაცია“, „კერძო მეწარმეობის განათლების“ ამერიკულ ფონდთან ერთად. ასევე, გდანსკის ბიზნეს კვირეული ხორციელდება ბიზნეს ინკუბატორ “Starter”-ის მიერ, რომელსაც უძღვებიან ისეთი ცნობილი კომპანიების პოლონელი და ამერიკელი მენეჯერები, როგორიცაა: Boeing, Apple, Microsoft, Invest GDA და ა.შ. 2018 წელს, ბიზნეს კვირეულის საზაფხულო ბანაკი 100 ახალგაზრდა მონაწილით იქნება წარმოდგენილი სხვადასხვა ქვეყნიდან, რომელიც 15–20 ივლისს პოლონეთის რესპუბლიკის პომორსკის მხარეში გაიმართება. http://marneuli.gov.ge/…/1974-gdanski...