3 ივნისს, კლიმატის ცვლილებების წინააღმდეგ ბრძოლის საერთაშორისო მოძრაობამ 350.org და სამეცნიერო-ინტელექტუალურმა კლუბმა “თაობათა დიალოგი” კამპანია “ქალაქები სიცოცხლისათვის” ფარგლებში გამართა აქცია “აქ მზე დაპატიმრებულია”. ნინოშვილის პარკი დღეს ჩრდილში მოექცა, ვინაიდან რამდენიმე წლის წინ ქალაქ ქუთაისის ადგილობრივმა თვითმმართველობამ მასთან მშენებლობის უფლება გასცა და მრავალსართულიანმა სახლმა სრულად გადაკეტა პარკი მზის სხივებისგან. დღეს, პარკი, ირგვლივ, სულ შენობებითაა გარშემოტყმული და პრაქტიკულად მისი მთავარი ფუნქცია - დასვენების სივრცე - დაკარგული აქვს. პარკში არსებულ ხეებს მზე ვერ ანათებს, რადგან “აქ მზე დაპატიმრებულია”! დღეს, 15:00 საათზე, ნინოშვილის პარკში, გაიმართა სიმბოლური აქცია. აქციაში მონაწილეობა მიიღეს ეკო აქტივისტებმა. აქციის ფარგლებში გამართა პერფომანსი, რომლის განმავლობაშიც აქციის მონაწილეები შეეცდნენ განეთავისუფლებიათ მზე. #აქმზედაპატიმრებულია #RICDOG #350.org #daysofaction
