II აქტივობა: ინსტრუქცია ჯომარდობაზე. პროექტის ფარგლებში მონაწილეებს ჩაუტარდათ სწავლება თუ რა არის საჭირო იცოდნენ ჯომარდობისთვის. სწავლება ჩაატარა \"ჯომარდობა ქუთაისში\". სწავლების ფარგლებში მონაწილეებმა თეორია პრაქტიკაში გამოიყენეს და დამდგარ წყალში გაცურეს. ჯომარდობა არის სპორტის სახეობა, რომელიც მოითხოვს გუნდურობასა და შეთანხმებულად მოქმედებას. სწორედ, ამ უნარ–ჩვევების გამო შეირჩა სპორტის ეს სახეობა და ჩაისვა პროექტის ფარგლებში. პროექტის \"RICDOG თავგადასავლების კლუბი\" ფარგლებში გაწერილია სხვადასხვა სპორტული აქტივობები და ვორქშოპები. მათი ერთობლიობით შეკრული პროექტის იდეა და მიზანი არის თავდაჯერებულობის, გუნდური მუშაობისთვის საჭირო უნარ-ჩვევებისა და გენდერული თანასწორობისადმი დამოკიდებულებების გაზრდა ახალგაზრდებს შორის. შეგახსენებთ, რომ პროგრამაში 10 სკოლა და 14 სკოლის მოსწავლე არის ჩართული, 7 გოგო და 7 ბიჭი. მომდევნო შაბათ–კვირას (20-21 მაისი) ჩანიშნულია შემდეგი სპორტული აქტივობები და ვორქშოპი: ჯომარდობა, კლდეზე ცოცვა, მოულოდნელი შემთხვევებისთვის მზადყოფნა. პროექტის ფარგლებში გაწერილი თითოეული აქტივობის მიზანია ჩართულმა მოზარდება დაინახონ არსებული სტერეოტიპული გამოწვევები გოგოებისა და ბიჭების აქტივობების შესახებ. პროექტი დაფინანსებულია აშშ მშვიდობის კორპუსის მიერ და ხორციელდება მსოფლიო ფონდის “Let Girls Learn” ინიციატივით. განმხორციელებელი ორგანიზაცია არის RICDOG. #თავგადასავლებისკლუბი
