შეიარაღებული დაპირისპირება ყირგიზეთი-ტაჯიკეთის საზღვარზე

შეიარაღებული დაპირისპირება ყირგიზეთის და ტაჯიკეთის საზღვარზე. ინფორმაციას ადგილობრივი მედია ავრცელებს. შეტაკებები დილით ადრე დაიწყო. კონფლიქტმა საზღვრის მთელი პერიმეტრი მოიცვა. ყირგიზეთში აცხადებენ, რომ ტაჯიკეთი ყირგიზეთის ტერიტორიის დაკავებას ცდილობს და სარაკეტო სისტემებს, ავიაციას, მძიმე ტექნიკასა და ნაღმტყორცნებს იყენებს. მხარეები ცეცხლის გახსნაში ერთმანეთს ადანაშაულებენ. ყირგიზეთის ხელისუფლება იუწყება, რომ ბათქენის სასაზღვრო რაიონში დაჭრილია 18 ადამიანი. საზღვრისპირა რაიონებიდან მიმდინარეობს მოქალაქეების ევაკუაცია. ვრცელდება ინფორმაცია, რომ ამჯერად მხარეები ცეცხლის შეწყვეტის მიზნით მოლაპარაკებებს მართავენ. შედგა საუბარი ქვეყნების საგარეო საქმეთა მინისტრებს შორის. ყირგიზეთის საგარეო უწყებაში პრობლემების დიპლომატიური გზით მოგვარებაზე გაამახვილეს ყურადღება. ტაჯიკეთში კი ოფიციალური პირები შექმნილ სიტუაციაზე კომენტარს არ აკეთებენ. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.