მოძრაობა „ხალხის ძალის“ მორიგი განცხადება

„ქართული ოცნებიდან“ გასული დეპუტატები ამერიკის საელჩოს ისევ საქართველოს ომში ჩათრევის მცდელობაში ადანაშაულებენ. ოთხეული ამჯერად მაკკეინის ინსტიტუტის აღმასრულებელი დირექტორის რადიო „თავისუფლებისთვის“ მიცემულ ინტერვიუს ეხმაურება. ინტერვიუში ეველინ ფარკა საქართველოს მთავრობას მოუწოდებს, რუსეთს სანქცირების პროცესში უფრო აქტიურად ჩაერთოს. სწორედ ამ განცხადებას უწოდებენ „ხალხის ძალის“ წევრები მიუღებელს და აცხადებენ რომ, რასაც ამერიკა მისი ოფიციალური წარმომადგენლის ელჩის მეშვეობით ვერ ამბობს, ახლა სწორედ ეველინ ფარკამ გაახმოვანა. მმართველ გუნდს გამიჯნული დეპუტატების მოსაზრებით, ეველინ ფარკას ინტერვიუ ამყარებს მათ დასკვნებს იმის შესახებ, რომ ამერიკის საელჩოს საქართველოს მეორე ფრონტად ქცევა სურს. „ხალხის ძალის“ წევრები ხელისუფლებას რეაგირებისკენ და საპასუხო განცხადების გაკეთებისკენ მოუწოდებენ. რა შეფასებები მოჰყვა ოთხეულის მორიგ წერილს - მანანა დევაძე დეტალებით. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.