მოძრაობა „ხალხის ძალის“ განცხადება

„ქართული ოცნებიდან“ წასული ოთხი დეპუტატი მორიგ განცხადებას ავრცელებს - წერილის ადრესატი კვლავ ამერიკის საელჩოა. ამჯერად დამოუკიდებელი დეპუტატები, საელჩოს იმ განცხადებას ეხმაურებიან, რომლის მიხედვითაც, ფარული საგამოძიებო მოქმედებების კანონი, ევროპულ სტანდარტებს არ შეესაბამება და მისი მიზანი საქართველოს მოქალაქეების კონტროლია. მოძრაობა „ხალხის ძალა“ საელჩოს დეზინფორმაციის მიზანმიმართულად გავრცელებაში ადანაშაულებს და აცხადებს, რომ ამას რადიკალური ოპოზიცია პოლარიზაციის ხელოვნურად გაღრმავებისთვის იყენებს. განცხადებაში ვკითხულობთ - „ისეთი მოთხოვნების დაყენებით, როგორიც, მაგალითად, მოსამართლეებისა და გენერალური პროკურორის კვალიფიციური უმრავლესობით არჩევაა, საელჩო ღიად ცდილობს, თავის ფავორიტ პარტიას - „ნაციონალურ მოძრაობას“ დანიშვნებზე ვეტოს უფლება მოუპოვოს, რაც ორივე სტრუქტურის მოშლის ტოლფასი იქნებოდა.“ ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.