„საუნჯე“ საბავშვო ბაღებში მდგომარეობის შესასწავლად კვლევას ჩაატარებს

01.06.2017 02:10

Radio Atinati

არხი

დღეს არასამთავრობო ორგანიზაცია „საუნჯეს“ ოფისში პროექტის „თანამშრომლობა ადრეული და სკოლამდელი განათლების უზრუნველყოფის“ პრეზენტაცია გაიმართა. პროექტის ფარგლებში არასამთავრობო ორგანიზაცია ზუგდიდისა და ფოთის საბავშვო ბაღებში კვლევებს ჩაატარებს და ადგილზე არსებულ მდგომარეობას შეისწავლის. არასამთავრობო ორგანიზაციის წარმომადგენლების თქმით, კვლევის შედეგად, საბავშვო ბაღების საჭიროებები გამოვლინდება. „გამოჩნდება, რა ღონისძიებები უნდა გაატაროს თვითმმართველობამ, რომ ბაღებში ბავშვთა უფლებები იყოს დაცული. ამასთან, ჩვენი ორგანიზაცია მთელ ამ პროცესს მონიტორინგს გაუწევს, თუ როგორ და რა ფორმით იქნება განხორციელებული ნორმატიული აქტები ადგილობრივი თვითმმართველობის ორგანოების მიერ“, - აღნიშნა „საუნჯეს“ თავმჯდომარემ იაგო ფასანძემ. რადიო "ათინათი" Website: http://radioatinati.ge/ Facebook: / rado.atinati. . Google+: https://plus.google.com/u/0/116211701... Twitter: https://twitter.com/

გაზიარება: