10 სექტემბერს, თელავში \"პოლონურ - ქართული სამეწარმეო დღეები კახეთში\" დაიწყო. პროექტი \"პოდკარპატიეს დახმარება კახეთის რეგიონის ბიზნეს გარემოს ინსტიტუციური განვითარება\" კახეთის რეგიონში ბიზნესის ხელშეწყობას და პოლონეთის რესპუბლიკასთან სავაჭრო-ეკონომიკური ურთიერთობების გაღრმავებას ემსახურება. პროექტის ფარგლებში, პოდკარპატიეს მარშალი - ვლადისლავ ორტილი და 29 კაციანი პოლონური დელეგაცია, ოფიციალური ვიზიტით თელავის მუნიციპალიტეტს ესტუმრნენ. პოლონურ - ქართული სამეწარმეო დღეების გახსნა აღინიშნა ოფიციალური შეხვედრით, რომელიც თელავის მუნიციპალიტეტის საკრებულოს თავმჯდომარესთან - დიმიტრი ბოჭორიძესთან და სხვა ოფიციალურ პირებთან გაიმართა. თელავის დაძმობილებული ქალაქის, რჟეშოვის სამრეწველო-სავაჭრო პალატასა და თელავის სამრეწველო-სავაჭრო პალატას შორის ორმხრივი თანამშრომლობის ხელშეკრულებას მოეწერა ხელი.
აღნიშნული პროექტის ორგანიზებით, თელავის მუნიციპალიტეტის საკრებულოს სხდომათა მცირე დარბაზში რჟეშოვის სამრეწველო-სავაჭრო პალატის და პოდკარპატიეს მეღვინეთა ასოციაციის წარმომადგენლებმა ლექცია-სემინარი გამართეს. სემინარზე სხვა საკითხებთან ერთად განიხილებოდა: ბიზნესის წარმოება ევროკავშირში, ევროკავშირის ბაზაზე შესატანი საქონლის სერთიფიცირება, მენეჯმენტი ევროკავშირში არსებულ ეკონომიკურ პირობებში, ღვინის სერთიფიცირება - ევროკავშირის რეგულაციები, ევროკავშირში ღვინის გაყიდვის სტანდარტები, მცირე მეღვინეთა ხელშეწყობა ევროკავშირში.
პროექტი თანადაფინანსებულია პოლონეთს რესპუბლიკის საგარეო საქმეთა სამინისტროს მიერ პოლონეთის საგარეო დახმარების პროგრამის ფარგლებში.
ვებ-გვერდზე გადასვლა:
http://telavi-gov.ge/?p=2819
აღნიშნული პროექტის ორგანიზებით, თელავის მუნიციპალიტეტის საკრებულოს სხდომათა მცირე დარბაზში რჟეშოვის სამრეწველო-სავაჭრო პალატის და პოდკარპატიეს მეღვინეთა ასოციაციის წარმომადგენლებმა ლექცია-სემინარი გამართეს. სემინარზე სხვა საკითხებთან ერთად განიხილებოდა: ბიზნესის წარმოება ევროკავშირში, ევროკავშირის ბაზაზე შესატანი საქონლის სერთიფიცირება, მენეჯმენტი ევროკავშირში არსებულ ეკონომიკურ პირობებში, ღვინის სერთიფიცირება - ევროკავშირის რეგულაციები, ევროკავშირში ღვინის გაყიდვის სტანდარტები, მცირე მეღვინეთა ხელშეწყობა ევროკავშირში.
პროექტი თანადაფინანსებულია პოლონეთს რესპუბლიკის საგარეო საქმეთა სამინისტროს მიერ პოლონეთის საგარეო დახმარების პროგრამის ფარგლებში.
ვებ-გვერდზე გადასვლა:
http://telavi-gov.ge/?p=2819
