"მხიარული სტარტები" - სოფიო ახმეტელი

"მხიარულ სტარტებში" გამარჯვება ვარდისუბნის სკოლამ მოიპოვა 23 მარტს თელავის თამაზ ანთაძის სახელობის სპორტ-კომპლექსში "მხიარული სტარტების" კახეთის სასკოლო ოლიმპიადის დასკვნითი ეტაპი გაიმართა. ფინალში ოთხი გუნდი (ვარდისუბნის, იყალთოს, ქ.თელავის #2და #8 საჯარო სკოლის) იღებდა მონაწილეობას. ტურნირში გამარჯვება ვარდისუბნის საჯარო სკოლის გუნდა მოიპოვა. როგორც ჩვენთან საუბარში კულტურის, განათების, ძეგლთა დაცვის, სპორტის და ახალგაზრდულ საქმეთა სამსახურის უფროსმა - სოფიო ახმეტელმა განაცხადა: - "აღსანიშნავია ის ფაქტი, რომ თვითმმართველ თემს წელს პირველად მიეცა ოლიმპიადაში მონაწილეობის მიღების უფლება. შესარჩევ ტურნირში მუნიციპალიტეტის 9 საჯარო სკოლის გუნდი მონაწილეობდა. მოხარული ვარ, რომ ფინალში გამარჯვება ვარდისუბნის გუნდს ხვდა წილად." საქართველოს სასკოლო სპორტული ოლიმპიადა 2016 ტარდება საქართველოს ბავშვთა და მოსწავლე ახალგაზრდობის სპორტის ეროვნული ფედერაციის, საქართველოს სპორტისა და ახალგაზრდობის სამინისტროსა და საქართველოს განათლებისა და მეცნიერების სამინისტროს ორგანიზებით. მუნიციპალური და რეგიონული თამაშების ორგანიზატორები ადგილობრივი თვითმმართველობის ორგანოები არიან.