თურქეთში მიწისძვრის შედეგად დაღუპულთა რიცხვი გაიზარდა

25.01.2020 01:41

პირველი არხი Georgian Public Broadcaster

არხი

თურქეთში მიწისძვრის შედეგად დაღუპულთა რიცხვი 22-მდე გაიზარდა, – ამის შესახებ თურქეთის შინაგან საქმეთა მინისტრმა, პრესკონფერენციაზე განაცხადა. მისივე ინფორმაციით, მაშველებმა ნანგრევებიდან 39 ადამიანის გადარჩენა მოახერხეს. თურქეთში ძლიერი მიწისძვრა გუშინ საღამოს მოხდა. ეპიცენტრი ქვეყნის აღმოსავლეთ ნაწილში, ელაზიღის პროვინციაში დაფიქსირდა. მიწისძვრის სიმძლავრე 6,8 მაგნიტუდა იყო, რასაც ათეულობით განმეორებითი ბიძგი მოჰყვა. თურქეთის ხელისუფლების ცნობით, მიწისძვრის შედეგად დაინგრა 30 სახლი, დაზიანდა ათობით შენობა. ბიძგები ეპიცენტრის მეზობელ პროვინციებში, ასევე სირიასა და საქართველოშიც იგრძნობოდა. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი - / georgianpb ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.

გაზიარება: