ზუგდიდში დეკრიმინალიზაციის მოთხოვნით აქცია გაიმართა

10.12.2016 01:45

Radio Atinati

არხი

ქალაქის მერიასთან "თანასწორობის მოძრაობის" ზუგდიდის ოფისმა აქცია გამართა. ამით ორგანიზაციის წევრები შეუერთდნენ "თეთრი ხმაურის მოძრაობის" აქციას, რომლის მიზანი ნარკოტიკული საშუალებების მოხმარების დეკრიმინალიზაციაა. მონაწილეების მთავარი მოთხოვნაა, ხელისუფლებამ ქმედითი ნაბიჯები გადადგას ამ მიმართულებით და მას დროს ახალ წლამდე აძლევენ, რათა ნარკოპოლიტიკა შეამსუბუქოს, წინააღმდეგ შემთხვევაში, ისინი აგრესიულ აქციებს აანონსებენ. "ეს არის ბოლო მშვიდობიანი აქცია. ხელისუფლებას ჰქონდა ყველა პირობა და საკმარისი დრო ჰქონდა იმისთვის, რომ სწორი ნაბიჯები გადაედგა, მაგრამ ტერორი გრძელდება", - აღნიშნა თანასწორობის მოძრაობის" ზუგდიდის ოფისის ხელმძღვანელმა ემზარ კვარაცხელიამ. აქციის მონაწილეების თქმით, ნარკოტიკების მოხმარების გამო დაპატიმრება გამოსავალი არ არის და ალტერნატივას სარეაბილიტაციო ცენტრებში ხედავენ. რადიო "ათინათი" Website: http://radioatinati.ge/ Facebook: https://www.facebook.com/Rado.ATINATI... Google+: https://plus.google.com/u/0/116211701... Twitter: https://twitter.com/

გაზიარება: