შემუშავებული რეკომენდაციების განხილვა წალკის მუნიციპალიტეტში

24.06.2014 01:00:31

sdw marneuli

არხი

2014 წლის 06 ივნისს, 12:00 საათზე, ორგანიზაციამ „მარნეულის დემოკრატ ქალთა საზოგადოებამ" პროექტის „სკოლამდელი აღზრდა ჩვენი უფლებაა. ქსელური მონიტორინგის" ფარგლებში გამართა შეხვედრა წალკის მუნიციპალიტეტის ქალთა ოთახში. შეხვედრაზე ორგანიზაციის წარმომადგენლებმა გააკეთეს პრეზენტაცია თემაზე: „წინასაარჩევნო ფიქრები სკოლამდელი აღზრდის შესახებ." ასევე, შეხვედრის მონაწილეებს გააცნეს ის რეკომენდაციები, რომლებიც ეფუძნება პროექტის ფარგლებში ჩატარებულ შეხვედრებს და ინტერვიუს სკოლამდელი აღზრდის ცენტრის ხელმძღვანელთან და განიხილეს სკოლამდელი განათლების სფეროს პრიორიტეტები. აგრეთვე, განიხილეს და იმსჯელეს სკოლამდელი სააღმზრდელო დაწესებულებების პოლონური მოდელის შესახებ. შეხვედრაზე მოწვეულნი იყვნენ პოლიტიკური პარტიების წარმომადგენლები წალკაში და სკოლამდელი სააღმზრდელო დაწესებულებების აღსაზრდელთა მშობლები. სამუშაო შეხვედრის ბოლოს, მონაწილეთა მხრიდან ხელი მოეწერა რეკომედაციას, კორესპოდენციის სახით დარეგისტრირდა და მიეწოდა ადგილობრივ თვითმმართველობას. აგრეთვე, დაიგეგმა მეორე შეხვედრა.

გაზიარება: