წინასაარჩევნო ფიქრები სკოლამდელი აღზრდის შესახებ-დმანისის მუნიციპალიტეტი

13.06.2014 01:03:44

sdw marneuli

არხი

2014 წლის 03 ივნისს, 11:00 საათზე, ორგანიზაციამ „მარნეულის დემოკრატ ქალთა საზოგადოებამ" პროექტის „სკოლამდელი აღზრდა ჩვენი უფლებაა. ქსელური მონიტორინგის" ფარგლებში გამართა შეხვედრა დმანისის მუნიციპალიტეტის ქალთა ოთახში. შეხვედრაზე ორგანიზაციის წარმომადგენლებმა გააკეთეს პრეზენტაცია თემაზე: „წინასაარჩევნო ფიქრები სკოლამდელი აღზრდის შესახებ." ასევე, შეხვედრის მონაწილეებს გააცნეს ის რეკომენდაციები, რომლებიც ეფუძნება პროექტის ფარგლებში ჩატარებულ შეხვედრებს და ინტერვიუს სკოლამდელი აღზრდის სამსახურის ხელმძღვანელთან და განიხილეს სკოლამდელი განათლების სფეროს პრიორიტეტები. შეხვედრაზე მოწვეულნი იყვნენ პოლიტიკური პარტიების წარმომადგენლები დმანისში და სკოლამდელი სააღმზრდელო დაწესებულებების აღსაზრდელთა მშობლები. სამუშაო შეხვედრის ბოლოს, მონაწილეთა მხრიდან ხელი მოეწერა რეკომედაციას, კორესპოდენციის სახით დარეგისტრირდა და მიეწოდა ადგილობრივ თვითმმართველობას. აგრეთვე, დაიგეგმა მეორე შეხვედრა ამავე თვეში.

გაზიარება: