რუსეთის საომარი მოქმედებები უკრაინაში

უკრაინაში რუსეთის მიერ დროებით ოკუპირებულ რამდენიმე ქალაქში 9 მაისის აღსანიშნად მსვლელობები მოეწყო. მათ შორის ხერსონსა და მარიუპოლში. მელიტოპოლში „უკვდავი პოლკის“ მსვლელობის დროს აფეთქებების ხმა ისმოდა. ხერსონში რუსეთის შეიარაღებული ძალების წევრები წითელი დროშებით ხელში გამოვიდნენ. უკრაინაზე საჰაერო თავდასხმები გრძელდება – ოდესის მიმართულებით ოკუპანტებმა რაკეტები ისროლეს. ოთხი მათგანი უკრაინის საჰაერო თავდაცვის სისტემამ გაანეიტრალა, ორი კი საცხოვრებელ რაიონში ჩავარდა. მომხდარის შედეგად ერთი ადამიანი დაშავდა. დაიბომბა დონეცკის რეგიონი, სადაც ოთხი ადამიანი დაიღუპა, დაშავებულია რვა მოქალაქე. რუსულმა ძალებმა სარაკეტო იერიში მიიტანეს ასევე ოჩერეტინოზე. აღმოსავლეთ ფრონტზე კი რუსმა სამხედროებმა უშედეგოდ განახორციელეს ოთხი შეტევა. უკრაინელმა ჯარისკაცებმა დონეცკსა და ლუგანსკში ოკუპანტების ექვსი თავდასხმა მოიგერიეს და მოწინააღმდეგის ტანკები, ჯავშანტექნიკა და უპილოტო თვითმფრინავები გაანადგურეს. უკრაინული მხარე ავრცელებს ინფორმაციას ასევე 200-მდე რუსი მებრძოლის, მათი ტანკების, ქვეითთა საბრძოლო მანქანების, ჯავშანტრანსპორტიორებისა და სხვა ტექნიკის განადგურების შესახებ. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.