უზენაესი სასამართლოს მოსამართლეების კანდიდატურები

იუსტიციის უმაღლესმა საბჭომ უზენაეს სასამართლოში წარსადგენი მოსამართლეების ის სია დაამტკიცა და გაასაჯაროვა, რომელიც უახლოეს მომავალში დასამტკიცებლად პარლამენტს გადაეგზავნება. სიაში მოხვდნენ როგორც საბჭოს მოქმედი წევრები, მათ შორის, თავმჯდომარის მოვალეობის შემსრულებელი გიორგი მიქაუტაძე და სააპელაციო სასამართლოს მოქმედი თავმჯდომარე მიხეილ ჩინჩალაძე, ასევე, საბჭოს ყოფილი წევრები და გახმაურებული საქმეების განმხილველი მოსამართლეები. სიას მკაცრად აკრიტიკებენ მესამე სექტორში. არასამთავრობო ორგანიზაციების წევრები მას სასამართლოში კლანური მმართველობის გაძლიერებად აფასებენ. სიას იწუნებენ იუსტიციის უმაღლესი საბჭოს არამოსამართლე წევრებიც. კენჭისყრაში მონაწილეობა არ მიიღო იუსტიციის უმაღლესი საბჭოს ოთხმა წევრმა. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/pg/1stchannel/ გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.