რუსეთის საომარი მოქმედებები უკრაინაში - 110-ე დღე

ომის 110-ე დღე უკრაინაში - საომარი მოქმედებები გრძელდება. არტილერიაში რუსეთის ჯარის მნიშვნელოვანი უპირატესობის გამო, უკრაინელმა სამხედროებმა სევეროდონეცკში უკან დაიხიეს. ამის შესახებ ლუგანსკის რეგიონული სამხედრო ადმინისტრაციის ხელმძღვანელი იუწყება. ქალაქის ქუჩებში გრძელდება ინტენსიური საბრძოლო მოქმედებები. უკრაინის არმიის გენშტაბის ინფორმაციით, ოკუპანტები ცდილობენ, ალყაში მოაქციონ უკრაინის შეიარაღებული ძალები და ცვლიან აღჭურვილობას. გასულ ღამეს რუსეთის საოკუპაციო ძალებმა ავიაიერიში მიიტანეს ქალაქ ბახმუტზე. დონეცკის ოლქში მდებარე ქალაქი განუწყვეტლივ იბომბება, რამდენიმე ადგილას ხანძარია. დონეცკის რეგიონული სამხედრო ადმინისტრაციის ხელმძღვანელმა, სლავიანსკისა და ბახმუტის მოსახლეობას ევაკუაციისკენ მოუწოდა. ლისიჩანსკში რუსეთის იერიშების შედეგად, ექვსი წლის ბავშვი დაიღუპა, ორი ხიდი დაანგრიეს ოკუპანტებმა სევეროდონეცკში. ამასთან, რუსეთის საოკუპაციო ძალებმა ყუმბარმტყორცნებით შეტევა განახორციელეს სუმის ოლქზეც. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.