რა ბრალდება წაუყენა შალვა ნათელაშვილმა ქართველ ფერმერს და მოუწევს თუ არა მას ბოდიშის მოხდა

28.05.2020 07:56

პირველი არხი Georgian Public Broadcaster

არხი

ფეისბუქპოსტზე გამოქვეყნებული სტატუსის გამო, შალვა ნათელაშვილის წინააღმდეგ, შესაძლოა, სასამართლოში სარჩელი შევიდეს. საქართველოში მოქმედი ფერმერული გაერთიანებები სამართლებრივ დავას იმ შემთხვევაში დაიწყებენ, თუ ოპოზიციონერი პოლიტიკოსი ბოდიშს არ მოიხდის ან საკუთარი ბრალდების დამადასტურებელ მტკიცებულებებს არ გამოაქვეყნებს. ფერმერთა ასოციაციის პროტესტი სოციალურ ქსელში გავრცელებულ იმ განცხადებას მოჰყვა, რომელშიც ნათელაშვილი მერძევეთა ასოციაციის ხელმძღვანელს ფერმერ ნიკოლოზ ბენიაიძეს წინასაარჩევნოდ ქიზიყის მოსახლეობის მოსყიდვაში ადანაშაულებს. პოლიტიკოსი ფერმერს რუსეთის „ფეესბე“-ს ოფიცრად მოიხსენიებს და თავდაცვის მინისტრთან მის კავშირებზე მიუთითებს. ბენიაიძე დედოფლისწყაროში ფერმერული საქმიანობით უკვე წლებია, დაკავებულია. რეზონანსული გამოხმაურების შემდეგ „ლეიბორისტების“ ლიდერს განმარტებები აღარ გაუკეთებია. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი - / georgianpb ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.

გაზიარება: