სკოლის პრეზენტაცია სოფელ სარკინეთში


დმანისის რაიონის სოფელ სარკინეთში შვეიცარული აგრარული სკოლა კავკასიის პრეზენტაცია გაიმართა. სკოლა კავკასია საქართველოს პროფესიული განათლების სფეროში უპრეცედენტო არაკომერციული კერძო ინიციატივაა.

შვეიცარული სტანდარტის მიხედვით შექმნილი კოლეჯი სპეციალიზებული იქნება მეცხოველეობაში, რძისა და ყველის გადამუშავებაში.

მეცხრამეტე საუკუნეში ქვემო ქართლის ტერიტორიაზე შვეიცარიელებს ყველის 33 საწარმო და შვეიცარული სკოლაც ჰქონდათ გახსნილი. პროექტის მთავარ პარტნიორად შეირჩა წარმატებული შვეიცარული აგრარული სკოლა – პლანტა-ჰოფი. პლანტა-ჰოფი უზრუნველყოფს სასწავლო პროგრამების შედგენას, მასალების შერჩევას, სასწავლო საწარმოების დაგეგმვასა და მასწავლებლების გადამზადებას.

კოლეჯის ძირითადი საქმიანობაა 3 წლიანი პროფესიული პროგრამა მეცხოველეობაში, რძისა და რძის პროდუქტების გადამუშავებაში. ამასთანავე, ფერმერებსა და მოყვარულებს საშუალება ექნებათ გაიარონ მოკლევადიანი პროფესიული კურსები.

სკოლის ინფრასტრუქტურა მოიცავს 30 სტუდენტზე გათვლილ საცხოვრებელ კამპუსსა და მცირე ზომის სასტუმროს მოწვეული უცხოელი მასწავლებლებისთვის.

შვეიცარული აგრარული სკოლა კავკასია სასწავლო პროცესს 2020 წლის შემოდგომის სემესტრიდან დაიწყებს.

ეწვიეთ ჩვენს საიტს - https://1tv.ge/
მოიწონეთ ჩვენი გვერდი -   / 1stchannel  
გამოიწერეთ ჩვენი არხი -    / georgianpb  
ვიდეო წარმოადგენს საზოგადოებრივი მაუწყებლის საკუთრებას.
მისი გავრცელება შეგიძლიათ მხოლოდ ბმულის გაზიარებით.
დაუშვებელია მასალის ჩამოტვირთვა და სხვაგან ატვირთვა,
ამ შემთხვევაში მაუწყებელი უფლებას იტოვებს მიმართოს შესაბამის ზომებს.

ვიდეოები „პირველი არხი Georgian Public Broadcaster"-ისგან