სასამართლოს გადაწყვეტილება ბექა ხახუბიას გარდაცვალების საქმეზე

გორის რაიონულ სასამართლოში ბექა ხახუბიას გარდაცვალებაში ბრალდებული პატრულის თანამშრომლების საქმის არსებითი განხილვა დასრულდა. ცოტა ხნის წინ მოსამართლემ გადაწყვეტილება გამოაცხადა, რომლის მიხედვითაც ერთ-ერთი პოლიციელი, ნუკრი ხაბელაშვილი საქმეზე გამართლდა, ზურა რუსიშვილს კი თავისუფლების აღკვეთა ერთი წლით და ერთი თვის ვადით მიესაჯა. საქმეზე ასევე დამნაშავედ ცნეს გია სადაღაშვილი, მას სასჯელის ზომად ორი წლითა და ექვსი თვით პატიმრობა განესაზღვრა. ბექა ხახუბიას გარდაცვალების საქმეზე, პატრულის თანამშრომლებს, ნუკრი ხაბელაშვილს, ზურაბ რუსიშვილს და გია სადაღაშვილს ბრალად უფლებამოსილების გადამეტება და გაუფრთხილებლობის სიცოცხლის მოსპობა ედებათ. პარლამენტის წევრის, ფოთის მაჟორიტარი დეპუტატის, ირაკლი ხახუბიას შვილი, 21 წლის ბექა ხახუბია ავტოავარიას 17 მაისს ემსხვერპლა. მას გორის გვირაბთან სატვირთო ავტომანქანით გზა გადაუკეტეს. 24 მაისს ბექა ხახუბიას ავარიის გამო ორი პოლიციელი თანამდებობიდან გათავისუფლდა. მოგვიანებით ამ საქმეზე ბრალი სამ პოლიციელს წარუდგინეს, სასამართლომ ისინი 1000 ლარიანი გირაოს სანაცვლოდ გაათავისუფლა. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/pg/1stchannel/ გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.