რუსეთის საომარი მოქმედებები უკრაინაში - 160-ე დღე
08/02/2022
უკრაინაში ომი გრძელდება. ოკუპანტებმა ისევ დაბომბეს ნიკოლაევი. უკრაინული მხარის ცნობით, რუსმა სამხედროებმა გამოიყენეს ზალპური ცეცხლის რეაქტიული სისტემა სმერჩი და სარაკეტო კომპლექსი „s 300“. დაზიანებულია უნივერსიტეტის საერთო საცხოვრებელი. რამდენიმე ადგილას გაჩნდა ხანძარი. საჰაერო იერიშები განხორციელდა სუმზე, დნეპროპეტროვსკზე, ხარკოვზე, ლუგანსკსა და დონეცკზე. აფეთქებებს სამი მშვიდობიანი მოქალაქე ემსხვერპლა. სამი კი დაიჭრა. უკრაინის გენშტაბის ცნობით, გასული დღე-ღამის განმავლობაში, უკრაინელმა სამხედროებმა რუსების შეტევის მოგერიება შეძლეს ბახმუტის, კრამატორსკის და ავდეევკის მიმართულებიდან. ოკუპანტების ძირითადი ძალისხმევა მიმართულია ქალაქ ბახმუტზე. რთული ვითარება რჩება ხერსონის ოლქშიც. რუსმა სამხედროებმა ხერსონის ოლქში ცეცხლი გაუხსნეს საევაკუაციო მიკროავტობუსს, რომლითაც სამოქალაქო პირები გადაჰყავდათ, დაღუპულია ორი ადამიანი. როგორც უკრაინის ხელისუფლება ამტკიცებს, უკრაინის შეიარაღებულმა ძალებმა შეძლეს ხერსონის ოლქის 46 დასახლებული პუნქტის გათავისუფლება ოკუპანტებისგან. უკრაინის გენშტაბის ცნობით, ბოლო 24 საათში, უკრაინელმა ჯარისკაცებმა 170 ოკუპანტის ლიკვიდაცია შეძლეს.
ეწვიეთ ჩვენს საიტს - https://1tv.ge/
მოიწონეთ ჩვენი გვერდი - / 1stchannel.1tv.ge
გამოიწერეთ ჩვენი არხი - / georgianpb
ვიდეო წარმოადგენს საზოგადოებრივი მაუწყებლის საკუთრებას.
მისი გავრცელება შეგიძლიათ მხოლოდ ბმულის გაზიარებით.
დაუშვებელია მასალის ჩამოტვირთვა და სხვაგან ატვირთვა,
ამ შემთხვევაში მაუწყებელი უფლებას იტოვებს მიმართოს შესაბამის ზომებს.
ეწვიეთ ჩვენს საიტს - https://1tv.ge/
მოიწონეთ ჩვენი გვერდი - / 1stchannel.1tv.ge
გამოიწერეთ ჩვენი არხი - / georgianpb
ვიდეო წარმოადგენს საზოგადოებრივი მაუწყებლის საკუთრებას.
მისი გავრცელება შეგიძლიათ მხოლოდ ბმულის გაზიარებით.
დაუშვებელია მასალის ჩამოტვირთვა და სხვაგან ატვირთვა,
ამ შემთხვევაში მაუწყებელი უფლებას იტოვებს მიმართოს შესაბამის ზომებს.
