კორონავირუსი - ვითარება მსოფლიოში

მსოფლიოში კორონავირუსით ინფიცირებულთა კლების დინამიკა ნარჩუნდება. ეს ბოლო რვა კვირის კვირის მონაცემია. ჯანდაცვის მსოფლიო ორგანიზაციაში განაცხადეს, რომ გასული დღე-ღამის განმავლობაში, მსოფლიოში „კოვიდ-19“-ით ინფიცირების 336 ათასი შემთხვევა აღრიცხა. ამასთან, ბოლო 24 საათში გარდაიცვალა 7 764 ადამიანი, თუმცა, ზოგიერთ ქვეყანაში, მათ შორის დიდ ბრიტანეთსა და რუსეთში, შეინიშნება კორონავირუსით ინფიცირების შემთხვევების დღიური რაოდენობის ზრდა, რაც ვირუსის „დელტა“ ვარიანტს უკავშირდება. თავის მხრივ, პანდემიის გამო მოქმედი რეგულაციების შემსუბუქებას განაგრძობს თურქეთი, სადაც პირველი ივლისიდან „კომენდანტის საათი“ უქმდება. რაც შეეხება ვაქცინაციის პროცესს, ჯანდაცვის მსოფლიო ორგანიზაციაში აღნიშნავენ, რომ დაბალი შემოსავლის მქონე ქვეყნებში კორონავირუსის საწინააღმდეგო ვაქცინების მარაგები იწურება. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.