კორონავირუსი - ვითარება მსოფლიოში

მსოფლიოში კოვიდ-19-ით ინფიცირების შემთხვევებმა 87 მილიონს გადააჭარბა. პანდემიის დაწყების შემდეგ, ახალ კორონავირუსს უკვე შეეწირა მილიონ 800 ათასზე მეტი ადამიანის სიცოცხლე. მსხვერპლის რაოდენობით პირველ ადგილზე კვლავ აშშ-ია, ქვეყანაში ვირუსი დღემდე 21 მილიონზე მეტ ადამიანს დაუდასტურდა, დაიღუპა 361 000-ზე მეტი ადამიანი. კორონავირუსის ახალ შტამზე დამატებით ინფორმაციას აქვეყნებს ჯანდაცვის მსოფლიო ორგანიზაცია, რომლის ცნობით, კორონავირუსის მუტირებული შტამი უკვე ევროპის 22 ქვეყანაშია დადასტურებული. ინფიცირების მცირედი კლება შეინიშნება საქართველოს მეზობელ ქვეყნებში. რუსეთში ბოლო ერთ დღეში კოვიდ-19  23 541 ადამიანს დაუდასტურდა, ინფიცირების საერთო მაჩვენებელი კი, სამ მილიონ 300 ათასს აჭარბებს. 201 ახალი შემთხვევა გამოვლინდა გასული დღე-ღამის განმავლობაში სომხეთში. აზერბაიჯანის ხელისუფლების ინფორმაციით კი,  ქვეყანა იანვრის ბოლომდე ვაქცინის 4 მილიონ დოზას ელოდება.  ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.