შს მინისტრი საექსპერტო-კრიმინალისტიკურ მთავარ სამმართველოს ეწვია

შინაგან საქმეთა მინისტრი ირაკლი ღარიბაშვილი შსს-ს საექსპერტო-კრიმინალისტიკურ მთავარ სამმართველოს ეწვია. მინისტრმა სამმართველოს უფროს ნუგზარ სუჯაშვილთან და აშშ-ს საელჩოს უფროს მრჩეველთან პოლიციის საკითხებში მაიკლ ტერნერთან ერთად ტერიტორია დაათვალიერა და სიახლეებს გაეცნო. საექსპერტო-კრიმინალისტიკურ მთავარ სამმართველოში რებრენდინგი განხორციელდა, სამმართველოს გადაეცა ახალი „შკოდა"--ს და „ტოიოტა ჰაილუქსი"--ს მარკის 13 ავტომანქანა. ექსპერტ-კრიმინალისტებმა ახალი დიზაინის ფორმები, ჩანთები და მუშაობისთვის საჭირო სპეციალური ხელსაწყოები მიიღეს. სამმართველოს ასევე გადაეცა 90 ახალი კომპიუტერი, ფოტო და ვიდეოაპარატურა. ფონოსკოპიური და ვიდეოტექნიკური ექსპერტიზისთვის შეძენილია სპეცკომპიუტერები და ახალი პროგრამები. შეიქმნა კომპიუტერული ექსპერტიზის განყოფილება, რომელიც ციფრულ დანაშაულს გამოავლენს. დაინერგა ჰაბიტოსკოპიური ექსპერტიზა (პიროვნების სახით ამოცნობა). ასევე შეძენილია ახალი დაქტილოსკოპიური სკანერები, რომლითაც შესაძლებელია არამარტო თითის, არამედ მთლიანად ხელის ანაბეჭდის აღება. ვრცლად:http://police.ge/ge/shinagan-saqmeta-...