ნარაზენის მაჟორიტარი გზის რეაბილიტაციას ითხოვს

სოფელ ნარაზენის მაჟორიტარი დეპუტატი ლაშა თოდუა გზის რეაბილიტაციას ითხოვს. აღნიშნულთან დაკავშირებით მან დღევანდელ საკრებულოს სხდომაზე განაცხადა და საკრებულოს თავმჯდომარეს ამ საკითხით დაინტერესება სთხოვა. წინააღმდეგ შემთხვევაში ლაშა თოდუას თქმით, მოსახლეობა გზების გადაკეტვით იმუქრება. თოდუას ინფორმაციით, გზებთან დაკავშირებული პრობლემა 2014 წლიდან არსებობს, თუმცა ბოლო თვეების განმავლობაში საგრძნობლად მას შემდეგ გაუარესდა, რაც აზერბაიჯანულმა კომპანიამ, რომელიც ზუგდიდში წყალმომარაგების სისტემას აწესრიგებს, მდინარე ჭაანისწყალიდან ინერტული მასალის მოპოვება და მისი ქალაქში მძიმე ტექნიკით გადატანა დაიწყო. დეპუტატის განმარტებით, მან ეს საკითხი სხდომაზე არაერთხელ დააყენა, თუმცა პრობლემა დღეემდე მოუგვარებელია. „გზის საფარის გარდა დაზიანდა წყლის მილები რაც სერიოზულ პრობლემას ქმნის. მოსახლეობა უკმაყოფილოა, გზის გადაკეტვაასა და საპროტესტო აქციებს აპირებდნენ, მხოლოდ ჩემი თხოვნით გაჩერდნენ. თუ კიდევ დააპირებენ მე იძულებული გავხდები მათ გვერდით დავდგე. საკმაოდ დიდი ტალღა და გთხოვთ სანამ გამწვავდწება სიტუაცია მიხედოთ“, - განაცხადა ლაშა თოდუამ. დეპუტატის შენიშვნა საკრებულოს თავმჯდომარემ და გამგებლის მოადგილემ მიიღეს და მას ამ პრობლემის მოგვარებას შეპირდნენ. საკრებულოს თავმჯდომარის განმარტებით, უახლოეს მომავალში ადგილობრივ თვითმმართველობასთან ერთად კომპანიის წარმომადგენლებს შეხვედება და მათ გზის საფარის რეაბილიტაციას მოსთხოვს. რადიო "ათინათი" Website: http://radioatinati.ge/ Facebook:   / rado.atinati.  . Google+: https://plus.google.com/u/0/116211701... Twitter: https://twitter.com/