პირველი ქართველი პროფესიონალი მოცეკვავე ალექსანდრე ალექსიძე - სონღულაშვილი-გამოფენა

15 ივლისს, საქართველოს კულტურისა და ძეგლთა დაცვის სამინისტროსა და თბილისის მერიის კულტურული ღონისძიებების ცენტრის მხარდაჭერით, საპატრიარქოსთან არსებული ახალგაზრდობის სულიერი და ინტელექტუალური განვითარების ცენტრის დარბაზში გაიმართა ქართული ხალხური ქორეოგრაფიის ერთ-ერთი ფუძემდებლის, პირველი ქართველი პროფესიონალი მოცეკვავის ალექსანდრე ალექსიძე- სონღულაშვილის შემოქმედებითი ღვაწლის ამსახველი გამოფენა-პრეზენტაცია. ღონისძიება ხელოვანის დაბადებიდან 140 და გარდაცვალებიდან 80 წლისთავს მიეძღვნა. ალექსანდრე გიორგის ძე ალექსიძე-სონღულაშვილი ქართული ხალხური ქორეოგრაფიის ერთ-ერთი ფუძემდებელია. 1896-1924 წლებში იყო თბილისის ოპერისა და ბალეტის თეატრის მოცეკვავე. 1902 წელს თბილისში დააარსა ქართული ცეკვის პირველი სტუდია, რომელსაც სათავეში ედგა 1934 წლამდე. მისი მოსწავლეები იყვნენ ილიკო სუხიშვილი, რევაზ ჭოხონელიძე, მ. სულხანიშვილი და სხვები. http://www.culture.gov.ge/ http://www.facebook.com/culturegovge http://twitter.com/#!/CULTUREgovge    / culturegovge   http://www.flickr.com/photos/cultureg... http://www.myvideo.ge/?user_id=855045