მამა პეტრესა და თემო შენგელაიას პოეზიის საღამო

სვეტიცხოვლის ტაძრის დეკანოზმა მამა პეტრე კვარაცხელიამ და პოეტმა თემო შენგელაიამ საერთო კრებული ზუგდიდელ მკითხველს Art-House-ში წარუდგინეს. „ორსახოვან“ წიგნში სახელწოდებით „ჩვენ“ ორივე ავტორის ლექსებია თავმოყრილი. ღონისძიება ზუგდიდში პოეტებისა და მათი მეგობრის ლიკა როგავას ინიციატივითა და ორგანიზებით ჩატარდა. მამა პეტრემ განაცხადა, რომ სამეგრელოში სტუმრობა მისთვის განსაკუთრებით მნიშვნელოვანია და მომავალში, რუხის ციხეში უფრო მასშტაბური ღონისძიებაც დააანონსა. „ხშირად მქონია შემოქმედებითი საღამოები ზუგდიდში...დღეს ჩვენ სხვა კურსით წარვსდექით მაყურებლის წინაშე. ეს ჩემი და თემოს ერთობლივი პროექტია და ვცდილობთ რომ საქართველოს თითქმის ყველა კუთხეში ვიმოგზაუროთ, რომ გავაცნოთ ჩვენი შემოქმედება“, - თქვა მამა პეტრემ. თემო შენგელაიას თქმით, მათ გადაწყვიტეს, რომ თავიანთი მეგობრობა წიგნშიც აესახათ. კრებულშიც, რომელიც ორსახოვანია, ერთ მხარეს შენგელაიას ლექსებია, მეორე მხარეს კი მამა პეტრეს. „თბილისის შემდეგ გეზი ავიღეთ სამეგრელოსკენ, რადგან აქ არის ჩვენი ჯიში, ჯილაგი, ფესვები, ამიტომაც გადავწყვიტეთ, რომ პრეზენტაცია გაგვკეთებინა ზუგდიდში“, - აღნიშნა შენგელაიამ. საღამოზე პოეტებმაზუგდიდელებს მომავალი დღესასწაულები მიულოცეს და მხარდაჭერისა და გულშემატკივრობისთვის მადლობა გადაუხადეს. ღონისძიების დასრულების შემდეგ მკითხველებმა კრებული შეიძინეს. თემო შენგელაიასთვის ეს ლექსების მეორე კრებულია. რადიო "ათინათი" Website: http://radioatinati.ge/ Facebook:   / rado.atinati.  . Google+: https://plus.google.com/u/0/116211701... Twitter: https://twitter.com/