რუსეთის საომარი მოქმედებები უკრაინაში

რუსეთი უკრაინას ღამით 27 უპილოტო საფრენი აპარატით დაესხა თავს, უკრაინის თავდაცვის ძალებმა ყველას ჩამოგდება შეძლეს. კიევსა და სხვა რეგიონებში საჰაერო განგაში იყო გამოცხადებული. ვინიცის რაიონში რუსული დრონი საცხოვრებელ კორპუსს მოხვდა, რის შედეგადაც ორი ადამიანი დაიღუპა, სამი კი დაშავდა. ბოლო 24 საათის განმავლობაში რუსეთმა სუმის რეგიონში 77 თავდასხმა განახორციელა, რის შედეგადაც 450 აფეთქება მოხდა და ხუთი ადამიანი დაშავდა. ამასთან, უკრაინის პრეზიდენტის ადმინისტრაციის განცხადებაში წერია, რომ ადმინისტრაციის ხელმძღვანელი და უნგრეთის საგარეო საქმეთა მინისტრი ერთმანეთს მომავალ კვირაში შეხვდებიან. ანდრეი ერმაკი და პიტერ სიიარტო სატელეფონო საუბრისას „ორმხრივი დღის წესრიგის ყველაზე რთული საკითხების“ გადასაჭრელად რეგულარული კომუნიკაციის შენარჩუნებაზე შეთანხმდნენ. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.