„თალიბანის“ კონტროლქვეშ მოქცეულ ქაბულში ანგარიშსწორების პირველი ფაქტები ფიქსირდება

„თალიბანის“ კონტროლქვეშ მოქცეულ ქაბულში ანგარიშსწორების პირველი ფაქტები ფიქსირდება. რადიკალური დაჯგუფების წევრები ახლა კარდაკარ დადიან და იმ ადამიანების იდენტიფიცირებას ცდილობენ, რომლებიც წინა ხელისუფლებას და სხვადასხვა ქვეყნის საერთაშორისო მისიებს ეხმარებოდნენ. სამიზნეები არიან სამხედროები, პოლიციელები და მედიის წარმომადგენლები. „დოიჩე ველეს“ ადგილობრივ კორესპონდენტს, რომელსაც „თალიბანი“ ეძებდა, ახლობელი მოუკლეს. სხვადასხვა მედიასაშუალება საკუთარი ქვეყნების ხელისუფლებას მიმართავს და ავღანეთიდან უსაფრთხო გაყვანას სთხოვს. მაღალი რისკებისა და ქაოსის ფონზე, ქაბულის აეროპორტთან ქვეყნიდან წასვლის მსურველთა ნაკადები არ წყდება. თუმცა რადიკალური დაჯგუფება ქვეყნიდან წამსვლელებს აეროპორტისკენ მიმავალ გზებს უბლოკავს და პერიმეტრთან მიახლოებას უზღუდავს. ამ მომენტისთვის ავღანეთიდან უკვე გაყვანილია 18 000-მდე მოქალაქე. მათ შორის დიპლომატიური მისიების წარმომადგენლებთან ერთად არიან ავღანელებიც. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.