საქართველოში ახალი კორონავირუსით გარდაცვლილთა რიცხვი ცხრამდე გაიზარდა

საქართველოში ახალი კორონავირუსით გარდაცვლილთა რიცხვი ცხრამდე გაიზარდა. პირველ საუნივერსიტეტო კლინიკაში დღეს „კოვიდ-19“-ით ინფიცირებული 58 წლის ქალი გარდაიცვალა, რომელსაც თანმხლები დაავადებები ჰქონდა და მისი მდგომარეობა კრიტიკული იყო. ცნობილია, რომ გარდაცვლილი სპორტსმენის დედაა. სხვა დეტალებზე დღეს ექიმებს არ უსაუბრიათ. სულ ქვეყანაში ინფიცირებულია 589 ადამიანი. ამ ეტაპზე პირველ საუნივერსიტეტო კლინიკაში 69 ინფიცირებული პაციენტია. მათ შორის არის იმ პირთა ნაწილი, რომელთაც „კოვიდ-19“ რამდენიმე საათის წინ დაუდასტურდათ. კლინიკაში იმყოფებიან ის პირებიც, რომელთა ბიოლოგიური ნიმუშები ლუგარის ლაბორატორიაშია გადაგზავნილი და ახლა მათი ანალიზის პასუხებს ელოდებიან. ორი ორსული ქალის შემთხვევაში ერთს კორონავირუსი დაუდგინდა, ერთის პასუხი კი დღის განმავლობაში იქნება ცნობილი. გარდა ამისა, ელოდებიან ახალშობილის ანალიზის პასუხებს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.