შეხვედრა დმანისის სოფლების მოსახლეობასთან

ქვემო ქართლის რეგიონში სამთავრობო გუნდის წევრები, მოსახლეობასთან შეხვედრებს აქტიურ რეჟიმში განაგრძობენ, ადგილობრივების საჭიროებებს ისმენენ და არსებული საკითხების მოგვარების გზებზე ერთობლივად მსჯელობენ. შეხვედრების ფარგლებში, ქვემო ქართლში სახელმწიფო რწმუნებული, შოთა რეხვიაშვილი, საქართველოს განათლების, მეცნიერების, კულტურისა და სპორტის მინისტრის მოადგილე, შალვა გოგოლაძე, საქართველოს პარლამენტის წევრები, ზაზა ხუციშვილი, კახაბერ ოქრიაშვილი და ადგილობრივი თვითმმართველობის წარმომადგენლები, დმანისის მუნიციპალიტეტის სოფელ პატარა დმანისის, დიდი დმანისის, ვარდისუბნისა და ბოსლების მოსახლეობას შეხვდნენ. ხელისუფლების წარმომადგენლებმა, ცენტრალური და ადგილობრივი ბიუჯეტის დაფინანსებით განხორციელებულ პროექტებზე ისაუბრეს და სოფლების მიხედვით, 2020 წლის ბიუჯეტის პრიორიტეტები განიხილეს. დღესვე, საკანონმდებლო, აღმასრულებელი, სამხარეო და ადგილობრივი მუნიციპალიტეტის წარმომადგენლებმა, პატარა დმანისის მცხოვრებლებს სოფელში გაზიფიცირების პროცესის დასრულება მიულოცეს და მაღრაძეების ოჯახში, გაზი სიმბოლურად აანთეს. აღსანიშნავია, რომ მოსახლეობას ამ დრომდე ბუნებრივი აირი არასოდეს ქონია. ადგილობრივი ხელისუფლების აქტიური მხარდაჭერით პატარა დმანისში, ამ ეტაპზე, 60-მდე ოჯახი გაზიფიცირდა. დმანისის მუნიციპალიტეტის სოფლებისთვის ერთ-ერთი ძირითადი გამოწვევა წყალმომარაგების გაუმჯობესაა. ორმოცწყარო-მაშავერას პროექტირების დასრულებისა და სამუშაოების განხორციელების შემდეგ, გადაიჭრება 40 წლიანი პრობლემა. მუნიციპალიტეტის 19 სოფელი და ქალაქი დმანისი კი 24 საათიანი წყალმომარაგებით იქნება უზრუნველყოფილი. #ქვემოქართლისრეგიონი2019 #დმანისი2019 #მოსახლეობასთანშეხვედრები2019