მიროსლავ ლაიჩაკი დავით ზალკალიანს შეხვდა

საქართველოში ორდღიანი ვიზიტით მყოფი ეუთო-ს მოქმედი თავმჯდომარე, სლოვაკეთის რესპუბლიკის საგარეო და ევროპულ საქმეთა მინისტრი, მიროსლავ ლაიჩაკი საქართველოს საგარეო საქმეთა მინისტრს, დავით ზალკალიანს შეხვდა.

შეხვედრაზე მხარეებმა განიხილეს საქართველოსა და ეუთო-ს თანამშრომლობის საკითხები, მათ შორის, რუსეთ-საქართველოს კონფლიქტის მშვიდობიანად მოგვარების პროცესში ეუთო-ს ჩართულობის გაზრდის შესაძლებლობები.

შეხვედრის დასრულების შემდეგ მხარეებმა პრესკონფერენციაც გამართეს, რა დროსაც ცნობილი გახდა, რომ საქართველოს სლოვაკეთის განვითარების ფონდიდან ზუგდიდში ახლად აშენებული სკრინინგ-ცენტრის ტექნოლოგიური აღჭურვისთვის 39 ათასი ევრო გამოიყო.

შეხვედრაზე ხაზგასმით აღინიშნა ის, რომ ზუგდიდში სკრინიგ-ცენტრის სერვისებით სარგებლობას, მისი ადგილმდებარეობიდან გამომდინარე, როგორც რეგიონში, ისე ოკუპირებულ აფხაზეთში მცხოვრები მოსახლეობა შეძლებს.
ეწვიეთ ჩვენს საიტს - https://1tv.ge/
მოიწონეთ ჩვენი გვერდი - https://www.facebook.com/pg/1stchannel/
გამოიწერეთ ჩვენი არხი -    / georgianpb  
ვიდეო წარმოადგენს საზოგადოებრივი მაუწყებლის საკუთრებას.
მისი გავრცელება შეგიძლიათ მხოლოდ ბმულის გაზიარებით.
დაუშვებელია მასალის ჩამოტვირთვა და სხვაგან ატვირთვა,
ამ შემთხვევაში მაუწყებელი უფლებას იტოვებს მიმართოს შესაბამის ზომებს.