სასამართლომ "ენმ"-ს ჯარიმა დააკისრა

ზუგდიდის რაიონულ სასამართლოში დღეს „ერთიანი ნაციონალური მოძრაობის“ სარჩელი განიხილეს, რომელიც მაია კალანდიასთვის საოლქო საარჩევნო კომისიის მიერ დისციპლინური პასუხისმგებლობის, შენიშვნის გაბათილებას გულისხმობდა. „ენმ“-ის მიერ წარდგენილი საუბნო კომისიის წევრის, მაია კალანდიას განმარტებით, მას უფლება ჰქონდა, რომ წილისყრაში არ მიეღო მონაწილეობა. თავად კალანდიას თქმით, მისთვის უფრო პრიორიტეტული იყო უშუალო უბანზე საარჩევნო პროცესზე დასწრება, რადგან მას ჰქონდა „გონივრული ეჭვი“ კომისიის წევრების პოზიციებთან დაკავშირებით. ამასთან, მისივე თქმით, მას შემდგომ პროცედურებში მონაწილეობის უფლებები შეეზღუდა. ამ პოზიციას კატეგორიულად არ დაეთახნმენ „საია“-სა და საოლქო საარჩევნო კომისიის წარმომადგენლები. სასამართლომ წარდგენილი საჩივარი არ დააკმაყოფილა და „ერთიან ნაციონალურ მოძრაობას“ ჯარიმა 100 ლარის ოდენობით დააკისრა. „ერთიანმა ნაციონალურმა მოძრაობამ“ თავად თქვა უარი წილისყრაში მონაწილეობაზე და ფაქტობრივად, მისივე სურვილიდან იყო გამომდინარე, რომ ვერ ღებულობდა შემდგომ წილისყრებშიც მონაწილეობას... არავის არაფერი შეზღუდვია. მისი უარი იყო წინასწარ მოტივირებული“, - გაბაცხადა რადიო „ათინათთან“ საუბრისას საოლქო საარჩევნო კომისიის თავმჯდომარემ მირანდმა მესხმა. „ენმ“-ს წევრის, კობა კვარაცხელიას განმარტებით, ისინი სასამართლოს გადაწყვეტილებას გაასაჩივრებენ. საქმე ეხება 8 ოქტომბრის არჩევნებზე, 93-ე უბანზე, მაია კალანდიას მიერ გადასატანი ყუთის წამღები პირების გამოსავლენ წილისყრაში მონაწილეობაზე უარის თქმას, რის გამოც „საია“-ს წარმომადგენელმა თემურ ბიგვავამ საჩივარი დაწერა. აღნიშნული საჩივარი საოლქო საარჩევნო კომისიამ დაამაყოფილა და „ენმ“-დან საარჩევნო კომისიის წევრს დისციპლინური პასუხისმგებლობა დააკისრა. რადიო "ათინათი" Website: http://radioatinati.ge/ Facebook:   / rado.atinati.  . Google+: https://plus.google.com/u/0/116211701... Twitter: https://twitter.com/