ბაიდენი და პუტინი ვიდეოზარით ისაუბრებენ

ჯო ბაიდენი და ვლადიმერ პუტინი სამშაბათს, ვიდეოკავშირის გამოყენებით უკრაინის საზღვართან არსებულ მდგომარეობაზე და სხვა მნიშვნელოვან თემებზე ისაუბრებენ. არსებული ცნობებით, ბაიდენს სურს განიხილოს ოფიციალური ვაშინგტონის შეშფოთება უკრაინის საზღვართან რუსული სამხედრო ძალების თავმოყრის თაობაზე, აგრეთვე ისაუბროს სტრატეგიული სტაბილურობის, კიბერ და რეგიონული თემების შესახებ. „ჩვენ დიდი ხანია, ვიცით რუსეთის ქმედებების შესახებ და მაქვს მოლოდინი, რომ პუტინთან ხანგრძლივი დისკუსია გვექნება“, – განაცხადა ბაიდენმა პარასკევს. საპასუხოდ, კრემლის ინფორმაციით, მხარეები ორმხრივ კავშირებზე და ივნისში, ჟენევის სამიტზე მიღწეული შეთანხმებების შესრულებაზე ისაუბრებენ. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.