„დავუბრუნოთ კინოს მაყურებელი"

საქართველოს 15 რეგიონში რეგიონალური კინოკლუბები დაარსდება. რეგიონებში ალტერნატიული კინოსივრცის შექმნის მიზნით, პროექტს „დავუბრუნოთ კინოს მაყურებელი", ეროვნული კინოცენტრის ინიციატივით და კულტურის სამინისტროს მხარდაჭერით, ორგანიზაცია "კინოკლუბი" ახორციელებს. პროექტის ფარგლებში 12-13 სექტემბერს, ქუთაისში გაიმართა ტრეინინგი რეგიონების მუნიციპალიტეტების კულტურის სამსახურების თანამშრომლებისა და კულტურის სექტორის წარმომადგენლებისთვის. მონაწილეებს შესაძლებლობა მიეცათ გაეცნონ მუნიციპალური კინოს პოლიტიკის და კულტურის ობიექტის მარკეტინგის არსს, შეიძინონ შესაბამისი უნარები, რათა შეძლონ მოდერატორის ფუნქციის შესრულება ფილმების ჩვენებებისა და სხვადასხვა კინოღონისძიებების გასამართად. პროექტის საშუალებით, კინომოყვარულებს მიეცემათ შესაძლებლობა თვითრეალიზაციის და ახალი კლუბური მოძრაობის დაარსების, რომელიც დღეს მსოფლიოში აქტუალურია. (ინგლისში-3000, შვეიცარიაში-170, გერმანიაში-950, ხორვატიაში-162, კატალონიაში-45, ჩილე-15, ბრაზილია-10 000, ახალი ზელანდია-2000, ტუნისი-16 და ა.შ.) პროექტის მიზანია საქართველოში გაძლიერდეს კინოსექტორი და მაყურებელი დაუბრუნდეს კინოს. რეგიონებში, სადაც ნაკლებად იყო ხელმისაწვდომი ფილმების ნახვა, გაიზრდება იმ ადამიანთა რაოდენობა, რომლებსაც საშუალება მიეცემათ ეზიარონ კინოხელოვნებას. http://www.culture.gov.ge http://www.facebook.com/culturegovge http://twitter.com/#!/CULTUREgovge    / culturegovge   http://www.flickr.com/photos/cultureg... http://www.myvideo.ge/?user_id=855045