აქციის მონაწილეების ახალი ულტიმატუმი

ახალი ულტიმატუმი აქციის მონაწილეებისაგან. შინაგან საქმეთა მინისტრს თანამდებობის დატოვებისათვის ვადა დღეს დღის 2 საათამდე მისცეს. წინააღმდეგ შემთხვევაში დემონსტრანტები ისევ პერმანენტულ გამოსვლებს აანონსებენ. აქციაზე გუშინ აქტივისტებთან ერთად, ტრიბუნას მონაცვლეობით ოპოზიციური პოლიტიკური პარტიების წევრები და ასევე არასამთავრობო სექტორის წარმომადგენლები იკავებდნენ. მთავარ მოთხოვნებთან ერთად ისმოდა პოლიტიკური განცხადებებიც. ორგანიზატორები პარლამენტთან შეკრებილებს პერიოდულად სიმშვიდისაკენ მოუწოდებდნენ, თუმცა იყო გარკვეული ინციდენტებიც. აქციაზე მისულ რამდენიმე პირს სიტყვის დასრულების შესაძლებლობა არ მისცეს და ტრიბუნის დატოვება მოსთხოვეს. აქციაზე ყოფილი პრეზიდენტის ჩამოსვლის იდეაც გაისმა, რასაც მონაწილეთა მხრიდან სტვენა და შეძახილები მოჰყვა. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/pg/1stchannel/ გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.